தமிழகம், ஒடிசா, பஞ்சாப், மத்திய பிரதேசம், கர்நாடகா ஆகிய ஐந்து அணிகள் 'லீக்' முறையில் மோதி வருகின்றன. நான்காவது நாளான நேற்று, கடைசி இரண்டு 'லீக்' சுற்றுகள் நடந்தன.

காலை 8:00 மணிக்கு நடந்த முதல் போட்டியில், ம.பி., மற்றும் ஒடிசா அணிகள் மோதின. விறுவிறுப்பான போட்டியில், ம.பி., அணி, 6 - 3 என்ற செட் கணக்கில் வெற்றி பெற்றது. இதில், ம.பி., வீரர் மும்தாஜ் உதின் ஆட்டநாயகன் விருதை தட்டிச் சென்றார்.

தொடர்ந்து, 9:30 மணிக்கு நடந்த மற்றொரு ஆட்டத்தில், தமிழகம் மற்றும் பஞ்சாப் அணிகள் மோதின. அதில், தமிழக அணி, 4 - 1 என்ற கணக்கில் வெற்றி பெற்றது. தமிழக வீரர் பரத்ராஜ் சிறந்த ஆட்டநாயகன் விருதை பெற்றார்.

அனைத்து லீக் சுற்றுகள் முடிவில், நடப்பு சாம்பியனான கர்நாடகா மற்றும் தமி ழக அணிகள் இறுதிப்போட்டிக்கு தகுதி பெற்றுள்ளன.

இறுதிப்போட்டி, இன்று மதியம் 2:00 மணிக்கும், தொடர்ந்து நிறைவு விழா, மாலை 4:00 மணிக்கும் நடக்கிறது.