இந்த விளையாட்டு விடுதி சேர்க்கைக்கான விண்ணப்பப்படிவம் www.sdat.tn.gov.in என்ற இணையதள முகவரியில் வெளியிடப்பட்டுள்ளது.

விளையாட்டு விடுதியில் சேர விருப்பமுள்ள 7, 8, 9 மற்றும் பிளஸ் 1 பயிலும் மாணவ - மாணவியர், 'ஆன்லைன்' வாயிலாக விண்ணப்பிக்கலாம். 'ஆன்லைன்' விண்ணப்பத்தை பூர்த்தி செய்து பதிவேற்றம் செய்ய, மே 5ம் தேதி மாலை 5:00 மணி கடைசி நாளாக அறிவிக்கப்பட்டுள்ளது.

தேர்வுக்கு, 'ஆன்லைன்' விண்ணப்பங்கள் மட்டுமே ஏற்றுக்கொள்ளப்படும். மேலும் தகவல்களுக்கு ஆடுகள தகவல் தொடர்பு மையத்தை 95140 00777 என்ற மொபைல் எண்ணில் தொடர்பு கொண்டு விபரத்தினை பெற்று கொள்ளலாம்.

விளையாட்டு விடுதியில் சேர விரும்பும் மாணவ - மாணவியருக்கான மாவட்ட அளவிலான தேர்வுப் போட்டிகள் வருகின்ற மே 7ம் தேதி, காலை 7:00 மணியளவில் ஆண்களுக்கும், 8ம் தேதி பெண்களுக்கும் நடைபெற இருப்பதால், 'ஆன்லைனில்' விண்ணப்பித்தவர்கள் மட்டுமே தவறாமல் பங்கேற்க வேண்டும் என, காஞ்சிபுரம் கலெக்டர் கலைச்செல்வி தெரிவித்துள்ளார்.

இதற்கான தகவல்கள் குறுச்செய்தி, வாட்ஸாப் வாயிலாகவும் விண்ணப்பதாரர்களுக்கு தெரிவிக்கப்படும் என தெரிவிக்கப்பட்டுள்ளது.