இதில், சென்னையில் இருந்து, காஞ்சிபுரம் நோக்கிச் செல்லும் வாகனங்கள், காரப்பேட்டை அடுத்த, செட்டியார்பேட்டை பகுதியை கடந்து செல்ல வேண்டும். இந்த செட்டியார்பேட்டை கிராம நிர்வாக அலுவலக கட்டடம் அருகே, தேசிய நெடுஞ்சாலையோரம் ஆபத்தான குளம் உள்ளது.

இந்த குளத்தை ஒட்டி செல்லும் வாகனங்கள், சாலையோர தடுப்பு இல்லாததால் வேகமாக செல்லும் வாகனங்கள் நிலை தடுமாறி குளத்தில் கவிழும் அபாயம் உள்ளது.

எனவே, சென்னை - பெங்களூரு தேசிய நெடுஞ்சாலையோரம் ஆபத்தாக இருக்கும் குளத்திற்கு தடுப்பு அமைக்க வேண்டும் என, வாகன ஓட்டிகள் இடையே கோரிக்கை எழுந்துள்ளது.