பணியாளர்கள் மற்றும் சங்க அளவிலான நடைமுறை பிரச்னைகளை நிவர்த்தி செய்யக்கோரி, பதிவாளரிடம் சங்கம் சார்பில் பல்வேறு கோரிக்கை விடுத்து வந்தனர்.

ஆனால், நடவடிக்கை எடுக்கப்படாத காரணத்தால், தமிழகம் முழுதும், 26 அம்ச கோரிக்கையை வலியுறுத்தி, தமிழ்நாடு மாநில தொடக்க கூட்டுறவு வங்கி அனைத்து பணியாளர் சங்கம் சார்பில் நேற்று ஆர்ப்பாட்டம் நடந்தது.

காஞ்சிபுரத்தில், கலெக்டர் அலுவலகம் அருகேயுள்ள காவலான்கேட் பகுதியில் நேற்று ஆர்ப்பாட்டம் நடந்தது.

சங்க நிர்வாகி வாசுதேவன் தலைமையில் நடந்த ஆர்ப்பாட்டத்தில், கூட்டுறவு ஊழியர்கள் 100க்கும் மேற்பட்டோர் பங்கேற்றனர்.

தங்களது, 26 அம்ச கோரிக்கையை வலியுறுத்தி ஆர்ப்பாட்டத்தின்போது முழக்கமிட்டனர்.