மேலும், செய்யாற்றில் வெள்ளம் இல்லாத நேரங்களில், வாகன ஓட்டிகள் ஆற்றில் இறங்கி இளையனார்வேலூர் வழியாக வாலாஜாபாத் சென்று வருகின்றனர். இந்நிலையில், நெய்யாடுபாக்கத்தில் இருந்து இளையனார்வேலூர் வரை செய்யாற்றின் குறுக்கே, உயர்மட்ட பாலம் கட்ட நீண்ட நாட்களாக கோரிக்கை இருந்து வருகிறது.

அதன்படி, 2024 --- 25ம் நிதியாண்டில், 'உங்கள் தொகுதியில் முதல்வர் திட்டம்' கீழ், 19 கோடி ரூபாய் ஒதுக்கீடு செய்யப்பட்டு, புதிய உயர்மட்ட பாலம் கட்டும் பணியின் துவக்க நிகழ்ச்சி நேற்று நடந்தது.

இதில், உத்திரமேரூர் தி.மு.க., -- எம்.எல்.ஏ., சுந்தர் பங்கேற்று, பாலம் கட்டும் பணியை துவக்கி வைத்தார். நெய்யாடுபாக்கம் ஊராட்சி தலைவர் பொன்மொழி, தி.மு.க., ஒன்றிய செயலர் குமார் மற்றும் பலர் பங்கேற்றனர்.