/
உள்ளூர் செய்திகள்
/
காஞ்சிபுரம்
/
மழையால் கொட்டகை சாய்ந்து பசுங்கன்று உயிரிழப்பு
/
மழையால் கொட்டகை சாய்ந்து பசுங்கன்று உயிரிழப்பு
ADDED : டிச 01, 2025 03:09 AM

நிறம் மற்றும் எழுத்துரு அளவு மாற்ற
உத்திரமேரூர்: ஒழுகரையில், மழையின்போது கொட்டகை சாய்ந்ததில், பசுங்கன்று ஒன்று உயிரிழந்தது.
உத்திரமேரூர் தாலுகா, ஒழுகரை கிராமத்தைச் சேர்ந்தவர் கணேசன், 60. இவர், ஒரு பசு மாடு, ஒரு பசுங்கன்றை வளர்த்து வந்தார்.
நேற்று முன்தினம் மாலை 5:00 மணி அளவில், வழக்கம்போல் மேய்ச்சலில் இருந்து மாடுகளை ஓட்டிவந்து, கான்கிரீட் ஓடுகளால் வேய்ந்த கொட்டகையில் கட்டி வைத்திருந்தார்.
நேற்று அதிகாலை 4:00 மணிக்கு, அப்பகுதியில் காற்றுடன் பெய்த மழையால் கொட்டகை சாய்ந்தது. இதில், கொட்டகையில் கட்டி வைக்கப்பட்டிருந்த பசுங்கன்று காயமடைந்து, சம்பவ இடத்திலேயே உயிரிழந்தது.

