நாய்க்கன்குப்பம் மற்றும் சுற்றுவட்டார கிராமத்தினர், இச்சாலையை பயன்படுத்தி, தென்னேரி சென்று, அங்கிருந்து சுங்குவார்சத்திரம் மற்றும் ஸ்ரீபெரும்புதுார் உள்ளிட்ட பகுதிகளுக்கு சென்று வருகின்றனர்.

இச்சாலையில், ஒட்டந்தாங்கல் அருகே அடுத்தடுத்து இரண்டு இடங்களில் அபாயகரமான வளைவு உள்ளது. வளைவு பகுதியில், எதிரே வரும் வாகனங்கள் தெரியாததால், அடிக்கடி விபத்துகள் ஏற்பட்டு வருகின்றன.

இதனால், இரவு மற்றும் பகல் நேரங்களிலும் இப்பகுதியில் அச்சத்தோடு வாகனங்களை இயக்கும் நிலை உள்ளது.

எனவே, இச்சாலையில் உள்ள வளைவு பகுதிகளில், எச்சரிக்கை பலகை மற்றும் வேகத்தடை அமைத்து, விபத்துகள் எற்படாமல் தடுக்க நடவடிக்கை எடுக்க வேண்டும் என, வாகன ஓட்டிகள் மற்றும் பொதுமக்கள் கோரிக்கை விடுத்துள்ளனர்.