காஞ்சிபுரம் மக்களின் நீண்ட நாள் கோரிக்கையை நிறைவேற்றும் வகையில், காஞ்சிபுரம் புத்தேரி, கைலாசநாதர் கோவில் தெருவில், கடந்த ஆக., 25ம் தேதி, தொழிற்பயிற்சி நிலையம் புதிதாக துவக்கப்பட்டது. இங்கு, பல்வேறு தொழிற்பிரிவுகளில் பயிற்சி அளிக்கப்பட்டு வருகிறது.

நடப்பு கல்வியாண்டில், 75 மாணவ - மாணவியர் பயின்று வருகின்றனர். தொழிற்பயிற்சி நிலையத்தில், 2025 - 26ம் கல்வி ஆண்டுக்கான மாணவ - மாணவியர் சேர்க்கைக்கு அக்., 17 கடைசி நாளாக அறிவிக்கப்பட்டு இருந்தது.

தற்போது, மாணவ - மாணவியர் சேர்க்கைக்கான அவகாசம், அக்., 31ம் தேதி வரை நீட்டிக்கப்பட்டுள்ளது.

எனவே, 8, 10ம் வகுப்புகளில் தேர்ச்சி பெற்றவர்கள் 9, 10, பிளஸ் 1, பிளஸ் 2 வகுப்புகளில் தவறியவர்கள், கல்லுாரி முடித்தவர்களும் விண்ணப்பிக்கலாம்.

மேலும் விபரங்களுக்கு 94990 55675, 98408 67350 ஆகிய மொபைல் போன் எண்களில் தொடர்பு கொள்ளலாம் என, தொழிற்பயிற்சி நிலைய முதல்வர் எஸ்.காய்த்ரி, பயிற்சி அலுவலர் எஸ்.செழியன் ஆகியோர் தெரிவித்தனர்.