ADDED : டிச 01, 2025 02:38 AM
நிறம் மற்றும் எழுத்துரு அளவு மாற்ற
உத்திரமேரூர்: --அரசாணிமங்கலத்தில், பைக் மோதி மூதாட்டி ஒருவர் நேற்று உயிரிழந்தார்.
உத்திரமேரூர் காவல் நிலைய எல்லைக்கு உட்பட்ட, அரசாணிமங்கலம் கிராமத்தைச் சேர்ந்தவர் பட்டம்மாள், 85. இவர், நேற்று மதியம் 2.30 மணியளவில், அதே பகுதியில் உள்ள பள்ளிக்கூடத் தெருவை கடக்க முயன்றார்.
அப்போது, அவ்வழியே இரும்பேடு கிராமத்தைச் சேர்ந்த தமிழ்ச்செல்வன், 28; என்பவர் ஓட்டிவந்த, 'ஹீரோ ஸ்பிளண்டர்' பைக் மூதாட்டி மீது மோதியது.
அதில், மூதாட்டி கீழே விழுந்து மயக்கமடைந்தார். அங்கிருந்தவர்கள், மூதாட்டியை மீட்டு உத்திரமேரூர் வட்டார அரசு மருத்துவமனையில் சேர்த்தனர்.
அங்கு அவரை பரிசோதித்த மருத்துவர், மூதாட்டி வரும் வழியிலேயே இறந்துவிட்டதாக கூறினார். சம்பவம் குறித்து, உத்திரமேரூர் போலீசார் வழக்கு பதிந்து விசாரிக்கின்றனர்.

