காஞ்சிபுரம்- உத்திரமேரூர் சாலை, மேல்பேரமநல்லுாரில் உள்ள கங்கையம்மன், மொழுதியமமன் கோவில் கூழ்வார்த்தல் விழா கடந்த 1ம் தேதி காலை 7:00 மணிக்கு காப்பு கட்டும் நிகழ்வுடன் துவங்கியது. மதியம் 12:00 மணிக் அம்மனுக்கு கூழ்வார்க்கப்பட்டது. இரவு 7:00 மணிக்கு மலர் அலங்காரத்தில் எழுந்தருளிய கங்கை அம்மன் வீதியுலா வந்தார்.

நேற்று முன்தினம் மதியம் 12:00 மணிக்கு அம்மனுக்கு ஊரணி பொங்கல் வைக்கப்பட்டது. இரவு 7:00 மணிக்கு மலர் அலங்காரத்தில் எழுந்தருளிய மொழுதி அம்மன் வீதியுலா வந்தார். இரவு 10:00 மணிக்கு ஆரணி துளசி நாடக மன்ற குழுவினரின் நாடகம் நடந்தது. விழாவிற்கான ஏற்பாட்டை நாட்டாண்மைதாரர்கள் மற்றும் கிராம பொதுமக்கள் இணைந்து செய்திருந்தனர்.