இந்நிலையில், ஒத்திவைக்கப்பட்ட கிராம சபை கூட்டம், வரும் 23ம் தேதி, காலை 11:00 மணிக்கு, காஞ்சிபுரம் மாவட்டத்தில் உள்ள 274 ஊராட்சிகளிலும் நடைபெறும் என, காஞ்சிபுரம் கலெக்டர் கலைச்செல்வி உத்தரவிட்டுள்ளார்.

கிராம ஊராட்சியில் சிறப்பாக பணியாற்றும் ஊழியர்களை சிறப்பித்தல், சிறப்பாக செயல்படும் மகளிர் சுயஉதவி குழுக்களை கெளரவித்தல், வடகிழக்கு பருவமழை முன்னெச்சரிக்கை நடவடிக்கைகள் குறித்து விவாதித்தல், 'ஜல்ஜீவன்' இயக்கம், தீனதயாள் உபாத்யாய கிராமப்புற திறன் மேம்பாட்டு திட்டம் போன்றவை பற்றி கூட்டத்தில் விவாதிக்கப்படும் என, கலெக்டர் கலைச்செல்வி தெரிவித்துள்ளார்.