இந்த ரயில் வழித்தடத்தின் இருபுறமும், சீமைக் கருவேல மரங்கள், ஆளுயர புல் புதர் மண்டிக்கிடக்கின்றன. இதனால், ஆடு, மாடுகள் தண்டவாளத்தை கடந்து சென்றால், ரயில் ஓட்டுனர்களுக்கு தெரிவதில்லை. இதனால், அடிக்கடி ரயில் விபத்து ஏற்பட்டு வந்தது.

இதையடுத்து, நேற்று, ரயில்வே ஊழியர்கள் ரயில் தண்டவாளத்தை ஒட்டி இருக்கும் புல்லை இயந்திரத்தின் மூலமாக அகற்றும் பணியை துவங்கியுள்ளனர். தற்போது, காஞ்சிபுரத்தில் இருந்து, பெரியகரும்பூர் கிராமம் வரையில், தண்டவாளத்தை ஒட்டி இருக்கும் புல்லை, அகற்றி உள்ளனர்.

ரயில் இருப்பு பாதை ஓரம் இருக்கும், சீமைக்கருவேல மரங்களை அகற்றவில்லை என, சமூக ஆர்வலர்கள் இடையே குற்றச்சாட்டு எழுந்து உள்ளது.