மாணவர் சேர்க்கை குழு தலைவர் மற்றும் அறிவியல், கல்வியியல் பிரிவு புல தலைவர் பேராசிரியர் வெங்கட்ரமணன் வரவேற்றார். துணைவேந்தர் பேராசிரியர் சீனிவாசு தலைமை வகித்தார்.

சிறப்பு பேச்சாளராக பங்கேற்ற அஸ்வின், மாணவர்கள் தங்களின் திறன்களை அடையாளம் கண்டு, அத்துறையைத் தேர்ந்தெடுத்து, தங்கள் திறமைகளை வெளிப்படுத்தி எவ்வாறு வெற்றி பெறலாம் என்பதையும், கல்வி மற்றும் தொழில் தேர்வுகளில் விண்ணப்பிக்க வழிமுறையை எடுத்துரைத்தார். பேராசிரியர் ராஜ்மோகன் நன்றி கூறினார்.

இந்நிகழ்ச்சியில், காஞ்சிபுரம் மாவட்டத்தைச் சார்ந்த பல்வேறு பள்ளி மாணவ - மாணவியர் பெற்றோர், ஆசிரியர்கள் என, 300க்கும் மேற்பட்டோர் பங்கேற்றனர்.