சுற்றுவட்டாரத்தைச் சேர்ந்த 15க்கும் மேற்பட்ட கிராம வாசிகள், தங்கள் அடிப்படை தேவைக்காக, தினமும் ஸ்ரீபெரும்புதுார் வந்து செல்கின்றனர். இங்குள்ள கடைகளுக்கு வருவோர், இருசக்கரம் மற்றும் நான்கு சக்கர வாகனங்களை, சாலையின் இருபுறமும் ஆக்கிரமித்து நிறுத்துகின்றனர்.

இதனால், சாலை குறுகலாகி தினமும் கடும் போக்குவரத்து நெரிசல் ஏற்படுகிறது. இதனால், பாதசாரிகள் மற்றும் வாகன ஓட்டிகள் அவதிக்குள்ளாகின்றனர். மேலும், அரசு பேருந்து செல்லும் போது, சாலையோரம் நிறுத்தப்பட்டுள்ள வாகனங்கள் மீது எதிர்பாராத விதமாக உரசும் போது வாக்குவாதம் ஏற்படுகிறது.

எனவே, போக்குவரத்திற்கு இடையூறாக சாலையை ஆக்கிரமித்து நிறுத்தும் வாகன ஓட்டிகள் மீது, போலீசார் மற்றும் பேரூராட்சி நிர்வாகத்தினர் நடவடிக்கை எடுக்க வேண்டும் என, சமூக ஆர்வலர்கள் வேண்டுகோள் விடுத்துள்ளனர்.