உத்திரமேரூர் அடுத்த பாண்டவாக்கம் கிராமத்தைச் சேர்ந்தவர் கமலக்கண்ணன், 60; விவசாயி. நேற்று முன்தினம் வீட்டில் உறங்கிய இவர், நேற்று காலை எழுந்து பார்த்தபோது, வீட்டின் பின்பக்க கதவு உடைக்கப்பட்டு இருந்தது.

வீட்டு அறைக்குள் சென்று பார்த்தபோது பீரோ உடைக்கப்பட்டு, அதிலிருந்த, 20 சவரன் நகை மற்றும் 2 லட்சம் ரூபாயை மர்ம நபர்கள் திருடி சென்றது தெரிந்தது. இதுகுறித்த புகாரையடுத்து உத்திரமேரூர் போலீசார் வழக்கு பதிந்து, மர்ம நபர்களை தேடி வருகின்றனர்.