போக்குவரத்து நெரிசல் சின்ன காஞ்சிபுரம், பெரியார் நகரில் இருந்து, செவிலிமேடு மும்முனை சாலை சந்திப்பு வரையுள்ள, புறவழிசாலையான மிலிட்டரி சாலை 7 கி.மீ., நீளமும், 6 மீட்டர் அகலமும் கொண்டது.

கனரக வாகன போக்குவரத்து அதிகம் உள்ள இந்த சாலையில், அடிக்கடி ஏற்படும் போக்குவரத்து நெரிசலை தவிர்க்கும் வகையில், சென்னை - கன்னியாகுமாரி தொழிற்தட திட்டத்தின் கீழ், 11 மீட்டர் அகலத்திற்கு சாலை விரிவாக்கம் செய்யப்பட்டுள்ளது.

சாலை விரிவாக்கம் செய்யப்பட்ட சாலையோரம் உள்ள நடைபாதைக்கு சிமென்ட் கல் பதிக்கப்பட்டு வருகிறது.

விபத்து இதில், செவிலிமேடில், சிமென்ட் கல் பதிக்காத இடங்களில் மண் சாலையாக உள்ளதால், லேசான மழைக்கே சகதியாக மாறிவிடுகிறது. கனரக வாகனங்களுக்கு வழிவிட சாலையோரம் நடந்து செல்லும் பாதசாரிகள் மட்டுமின்றி இருசக்கர வாகன ஓட்டிகள் சகதியில் விழுந்து விபத்தில் சிக்குகின்றனர்.

எனவே, செவிலிமேடில் மண்சாலையாக உள்ள நடைபாதைக்கு சிமென்ட் கல் பதிக்க வேண்டும் என, இருசக்கர வாகன ஓட்டிகள் வலியுறுத்தி வருகின்றனர்.