கூட்டத்தில் கவுன்சிலர்கள், அதிகாரிகள் விவாதித்ததாவது:

தி.மு.க., - கண்ணன்: நத்தம்பேட்டை குப்பை கிடங்கு தானாக பற்றி எரிவதாக கூறுவதை ஏற்க முடியாது. குப்பை கிடங்கில் தரம் பிரிக்கும் பணிகள் மேற்கொள்ளப்படுவதே கிடையாது. குப்பை கிடங்கை மண்ணை போட்டு மூடியுள்ளனர். அதற்கான ஆதாரம் என்னிடம் உள்ளது. என்ன நடவடிக்கை எடுப்பீர்கள்?

கமிஷனர், பாலசுப்ரமணியம்: குப்பை கிடங்கில் ஆய்வு செய்கிறோம். ஒப்பந்ததாரருக்கு அபராதம் விதிக்கப்படும். ஏற்கனவே 'பில்' தொகையில் ஒரு பகுதியை நிறுத்தி வைத்துள்ளோம்.

தி.மு.க., சூர்யா: கிழக்கு ராஜவீதியில், குடிநீருடன் கழிவுநீர் கலந்து வருவதாக ஒரு வாரமாக கூறி வருகிறேன். அதிகாரிகள் இதுவரை அங்கு சென்று பார்க்கவில்லை.

மகாலட்சுமி, மேயர்: ஒரு வாரமாக புகார் தெரிவித்தும், அதிகாரிகள் ஏன் அங்கு செல்லவில்லை. இரண்டு நாட்களில், அந்த பிரச்னையை தீர்க்க வேண்டும்.

தி.மு.க., பிரவீன்குமார்: கமிஷனர் மற்றும் மேயர் கார்களுக்கு பெயர் பலகை, அரசு சின்னம் போன்றவை அமைக்கும் டெண்டரில், மாநகராட்சி சிவில் ஒப்பந்ததாரர்கள் எப்படி கலந்து கொள்ள முடியும். கார் சம்பந்தமான தொழில் செய்வோர் தானே பங்கேற்க முடியும்?

கமிஷனர்: இந்த பணிக்கான டெண்டரில் சிவில் ஒப்பந்ததாரர்கள் பங்கேற்கலாம். அதில், தவறில்லை.

தி.மு.க., கார்த்திக்: மாநகராட்சி பகுதிகளில் வைக்கப்படும் விதிமீறல் தனியார் விளம்பர பதாகைகள் பற்றி, இரு மாதங்கள் முன் புகார் அளித்தேன். இதுவரை என்ன நடவடிக்கை எடுக்கப்பட்டது.

நக ரமைப்பு அலுவலர், கணேசரங்கன்: நாங்கள் விளம்பர பதாகைகளை ஆய்வு செய்து, 11 நிறுவனங்களுக்கு 'நோட்டீஸ்' கொடுத்துள்ளோம். மேலும், தனியார் விளம்பர பதாகைகளுக்கு கலெக்டர் அலுவலகம் தான் அனுமதி கொடுக்கிறது.

தி.மு.க., கார்த்திக்: 'நோட்டீஸ்' கொடுத்து ஒரு மாதமாகியும் எந்த நடவடிக்கையும் எடுக்கவில்லை. நடவடிக்கை எடுக்க போதிய அவகாசம் இருந்தும் நகரமைப்பு அலுவலர், இதில் பாரபட்சமாக நடந்து கொள்கிறார். உடனடியாக, விதிமீறி விளம்பரம் செய்த நிறுவனங்கள் மீது நடவடிக்கை எடுக்க வேண்டும்.

நகரமைப்பு அலுவலர்: நான் எந்த பாரபட்சமும் காட்டவில்லை. நோட்டீஸ் கொடுத்துள்ளேன்; அடுத்தகட்ட நடவடிக்கை எடுக்கப்படும்.

கமிஷனர்: இன்றே கோப்புகளை ஆய்வு செய்து, அபராதம் விதிப்பது உள்ளிட்ட நடவடிக்கைகள் எடுக்கப்படும்.

தி.மு.க., கயல்விழி: 46வது வார்டில், சரியான வரி விதிப்பு செய்யப்படவில்லை. பல சாலைகள் மண் சாலைகளாக உள்ளன. மாநகராட்சியுடன் எங்கள் பகுதிகள் இணைக்கப்பட்டு, 15 ஆண்டுகளாகியும் இதுவரை சாலை வசதி இல்லை.

உத வி பொறியாளர், பன்னீர்செல்வம்: இப்போதும் சில சாலைகளுக்கு 'டெண்டர்' விடப் பட்டுள்ளது. முன்னுரிமை அடிப்படை யில், உங்கள் வார்டுக்கு சா லை போடப்படும்.

தி.மு.க., சரஸ்வதி: மாநகராட்சி முழுதும் நாய்கள் தொல்லை அதிகமாக உள்ளது. என் வார்டில், நாய்களால் கடிபட்டு பலரும் சிகிச்சையில் உள்ளனர்.

மேயர் மகாலட்சுமி: நாய்கள் பிடிக்கும் பணி துவங்கி விட்டது. முதலில், 50 நாய்கள் பிடித்துள்ளோம். அவற்றுக்கு கருத்தடை சிகிச்சை அளித்து, அதே இடத்தில் திரும்ப விட்ட பின், அடுத்தகட்டமாக, 50 நாய்கள் பிடிக்கப்படும்.

இவ்வாறு விவாதம் நடந்தது.