உத்திரமேரூர் அடுத்த, கோழியாளம் கிராமத்தில் ஆலயத்தம்மன் கோவில் உள்ளது. இக்கோவிலில், கும்பாபிஷேகம் செய்ய, கிராமத்தினர் முடிவு செய்தனர். அதன்படி, கடந்த மாதம் கட்டி முடிக்கப்பட்டது.

இந்நிலையில், இக் கோவிலில் கும்பாபிஷேகம் வெகு விமரிசையாக நேற்று நடந்தது. காலை 8:00 மணிக்கு கணபதி பூஜை, தனபூஜை, கோ பூஜை நடந்தது. காலை 9:00 மணிக்கு, மஹா பூர்ணாஹிதி, யாக வேள்வி ஆகியவை நடந்தது.

காலை 9:40 மணிக்கு யாக சாலையில் இருந்து பூஜிக்கப்பட்ட கலச நீர், அங்குள்ள அம்மன் சிலை மீது ஊற்றி கும்பாபிஷேகம் செய்யப்பட்டது.

இந்த விழாவில் திரளாக பக்தர்கள் பங்கேற்று அம்மன் அருள் பெற்றுச் சென்றனர்.