இக்கோவிலில் இதற்கு முன் 1982, 2003 ஆகிய ஆண்டுகளில் திருக்குடமுழுக்கு நடந்துள்ளன. இந்நிலையில் இத்திருக்கோவிலை புதுப்பித்து கும்பாபிஷேகம் நடத்த, 2021 டிசம்பரில் பாலாலயம் நடந்த நிலையில், வரும் 26ல் கும்பாபிஷேகம் நடைபெற உள்ளது. இதையொட்டி வரும் 23ல் யாகசாலை பூஜை துவங்க இருக்கிறது.

இதுகுறித்து அஷ்டபுஜ பெருமாள் கோவில் அறங்காவலர் குழுத் தலைவர் எஸ்.கே.பி.எஸ்.சந்தோஷ்குமார், கோவில் செயல் அலுவலர் ரா.கார்த்திகேயன் கூறியதாவது:

அஷ்டபுஜ பெருமாள்கோவில் முழுதும் கருங்கல் தரை அமைக்கப்பட்டுள்ளன. ராஜகோபுரம் மற்றும் விமானங்களில் சிற்பங்கள் சீரமைக்கப்பட்டு வர்ணம் பூசப்பட்டு புதுப்பொலிவு பெற்றுள்ளன.

பாதுகாப்பு கருதி கோவில் முழுதும் சிசிடிவி கேமரா பொருத்தப்பட்டுள்ளது. ஆக்கிரமிப்பில் இருந்த கோவிலுக்கு சொந்தமான 5 கோடி ரூபாய் மதிப்பிலான இடம் மீட்க நடவடிக்கை மேற்கொள்ளப்பட்டுள்ளன.

கோவில் திருக்குளம் முழுதும் சீரமைக்கப்பட்டு, நுழைவாயிலில் பெருமாளின் தசாவதாரம் மற்றும் ஆஞ்சநேயர், கருடாழ்வார், பெருமாள் திருஉருவ சிற்பங்கள் வடிவமைக்கும் பணிகள் நடந்து வருகின்றன.

இவ்வாறு அவர்கள் கூறினார்.