கும்பாபிஷேகத்தையொட்டி கடந்த 5ல், கணபதி ஹோமத்துடன் யாகசாலை துவங்கியது. நேற்று, காலை 8:30 மணிக்கு குடம் புறப்பாடு நடந்தது. தொடர்ந்து, காலை 9:00 மணிக்கு, கோவில் கோபுர விமானம், மூலஸ்தானம், பரிவார மூர்த்திகளுக்கு புனிதநீர் ஊற்றி கும்பாபிஷேகம் நடத்தி வைக்கப்பட்டது.

காலை 11:00 மணிக்கு மஹா அபிஷேகமும், மாலை 6:00 மணிக்கு அம்மன் வீதியுலாவும் நடந்தது.

 காஞ்சிபுரம் ஒன்றியம், சிறுகாவேரிபாக்கத்தில், அருள்தரும் அன்னை ஆதி மஹா காளிகாம்பாள் கோவிலில் கும்பாபிஷேகத்தையொட்டி, கடந்த 5ல், காலை 8:00 மணிக்கு கணபதி ஹோமத்துடன் யாகசாலை பூஜை துவங்கியது.

மாலை 4:40 மணிக்கு அங்குரார்ப்பனம், ஆச்சார்ய ரக் ஷாபந்தனம், கும்ப அலங்காரமும், தொடர்ந்து முதல்கால யாக பூஜை நடந்தது. நேற்று, காலை 9:00 மணிக்கு விமான கோபுரங்களுக்கும், மூலஸ்தான பரிவார மூர்த்திகளுக்கும் மஹா கும்பாபிஷேகம் நடந்தது.

தொடர்ந்து மூலவர் அம்மனுக்கு மஹா தீபாராதனையும், பக்தர்களுக்கு விபூதி, குங்கும, தீர்த்த பிரசாதம் வழங்கப்பட்டது.