இந்த சாலை வழியாக, சுங்குவார்சத்திரம் பகுதியில் இருந்து, குணகரம்பாக்கம் கிராமம் வழியாக, செல்லம்பட்டிடை, எடையார்பாக்கம், கோட்டூர், கப்பான்கோட்டூர் உள்ளிட்ட கிராமங்களைச் சேர்ந்தவர்கள் இருசக்கர வாகனம், நான்குசக்கர வாகனங்களில் செல்கின்றனர்.

மகாதேவிமங்கலம் அருகே, ஆபத்தான முறையில் சாலையோர குளம் உள்ளது. இந்த குளத்தை ஒட்டி இருக்கும் சிறுபாலத்தின் ஓரம் போதிய தடுப்பு இல்லை.

இதனால், அந்த சாலை வழியாக செல்லும் வாகன ஓட்டிகள் விபத்தில் சிக்கும் நிலை உள்ளது.

எனவே, சாலையோர குளத்திற்கு தடுப்பு ஏற்படுத்த வேண்டும் என, வாகன ஓட்டிகள் இடையே கோரிக்கை எழுந்துள்ளது.