இக்கோவிலுக்கு வரும் பக்தர்கள் பயன்படுத்தும் அச்சாலையின் இருபுறமும், சமீப காலமாக ஆங்காங்கே கோழி இறைச்சி கழிவு கொட்டப்படுகின்றன.

குறிப்பாக டாஸ்மாக் கடை அருகில் உள்ள சாலையோரங்களில் இறைச்சி கழிவு அதிகளவு காணப்படுகின்றன.

வாலாஜாபாத் ராஜவீதி மற்றும் பஜார் வீதியில் இறைச்சி கடை வைத்துள்ளவர்கள் இத்தகைய செயலில் ஈடுபடுவதாக கூறப்படுகிறது.

இதனால், துர்நாற்றம் ஏற்படுவதோடு மழை நேரங்களில் இறைச்சி கழிவு கலந்த நீர் சாலையில் வழிந்து சுகாதார சீர்கேடு ஏற்படுகிறது.

எனவே, இச்சாலையோரங்களில் கோழி இறைச்சி கழிவு கொட்டப்படுவதை தடுக்க, பேரூராட்சி நிர்வாகம் நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.