இப்பணியாளர்களுக்கான மருத்துவ முகாம் ஊரக வளர்ச்சித் துறை சார்பில், வாலாஜாபாத் வட்டார வளர்ச்சி அலுவலகத்தில் நேற்று முன்தினம் நடந்தது.

வாலாஜாபாத் அரசு மருத்துவமனை மற்றும் அய்யம்பேட்டை, தென்னேரி ஆரம்ப சுகாதார நிலைய மருத்துவர்கள் பங்கேற்று துப்புரவு பணியாளர்களுக்கு மருத்துவ பரிசோதனை மற்றும் சிகிச்சை அளித்தனர். 276 பேருக்கு பரிசோதனை மேற்கொள்ளப்பட்டு, 12 பேர் மேல் சிகிச்சைக்கு பரிந்துரைக்கப்பட்டுள்ளனர்.

உத்திரமேரூர் தி.மு.க., - எம்.எல்.ஏ., சுந்தர் முகாமினை துவக்கி வைத்தார். வாலாஜாபாத் ஒன்றிய குழு தலைவர் தேவேந்திரன் மற்றும் வாலாஜாபாத் வட்டார வளர்ச்சி அலுவலர்கள் கண்ணன், காஞ்சனா உட்பட பலர் பங்கேற்றனர்.