பெரிய காஞ்சிபுரம் சாத்தான்குட்டை தெருவில், சாலையோரம் மழைநீர் செல்லும் வடிகால்வாய் உள்ளது.

வாகன போக்குவரத்து நிறைந்த இச்சாலையோரம் உள்ள கால்வாய்க்கு தடுப்புச்சுவர் இல்லாததால், கனரக வாகனத்திற்கு வழிவிட ஒதுங்கும் இருசக்கர வாகன ஓட்டிகள், கால்வாய் பள்ளத்தில் தவறி விழுந்து விபத்தில் சிக்கும் நிலை உள்ளது.

மேலும், ஆடு, மாடு, நாய், பூனை உள்ளிட்டவை கால்வாயில் விழுந்து விபத்தில் சிக்குகின்றன. எனவே, சாத்தான்குட்டை தெருவில், சாலையோரம் உள்ள வடிகால்வாய்க்கு தடுப்புச்சுவர் அமைக்க, மாநகராட்சி நிர்வாகம் நடவடிக்கை எடுக்க வேண்டும் என, இருசக்கர வாகன ஓட்டிகள் வலியுறுத்தி வருகின்றனர்.