காஞ்சிபுரம் சர்வதீர்த்தகுளம் தென்கரை பகுதியில் வசிப்பவர்களுக்கு கூடுதல் குடிநீர் ஆதாரமாக அப்பகுதியில், மாநகராட்சி நிர்வாகம் சார்பில், 10 ஆண்டுகளுக்கு முன் சிறுமின்விசை குழாயுடன் குடிநீர் தொட்டி அமைக்கப்பட்டது. வீட்டு உபயோக கூடுதல் தேவைக்கு அப்பகுதி மக்கள் குடிநீர் தொட்டி நீரை பயன்படுத்தி வந்தனர்.

இந்நிலையில், கடந்த ஆண்டு இவ்வழியாக மேய்ச்சலுக்காக வந்த இரு மாடுகள் ஒன்றுடன் ஒன்று சண்டையிட்டபோது குடிநீர் தொட்டியில் முட்டியதில், குடிநீர் தொட்டி உடைந்த நிலையில் இருந்தது.

இதனால், குடிநீர் தொட்டியில் தண்ணீரை நிரப்பி பயன்படுத்த முடியாத நிலை ஏற்பட்டது.

உடைந்த நிலையில் உள்ள பழைய குடிநீர் தொட்டியை அகற்றிவிட்டு, புதிய தொட்டி அமைக்க வேண்டும் என, அப்பகுதி மக்கள் வலியுறுத்தி வந்தனர்.

இதுகுறித்த செய்தி நம் நாளிதழில் வெளியானதையடுத்து, மாநகராட்சி நிர்வாகம் சார்பில், உடைந்த நிலையில் இருந்த பழைய குடிநீர் தொட்டி அகற்றப்பட்டு, பு திய தொட்டி அமைக்கப்பட்டுள்ளது.