இப்புத்தக திருவிழா தொடர்ந்து 11 நாட்கள்நடைபெறவுள்ளது. புத்தக திருவிழா தினமும் காலை 10:00 மணிக்கு துவங்கி, இரவு 9:00 மணி வரை நடைபெறும்.

இதில், தென்னிந்தியா முழுதும் இருந்து பல்வேறு பதிப்பாளர்கள் மற்றும் புத்தக வெளியீட்டாளர்கள் பங்கேற்கும் வகையில், 100க்கும் மேற்பட்ட புத்தக அரங்குகள், 1,000க்கும் மேற்பட்ட எழுத்தாளர்களின் படைப்புகள், அமைக்கப்பட்டு, லட்சத்திற்கும் மேற்பட்ட புத்தகங்கள் விற்பனைக்கு வைக்கப்பட உள்ளன.

இதற்கான முன்னேற்பாடுகள், கலெக்டர் வளாகத்தில் தீவிரமாக நடக்கின்றன. புத்தக விற்பனைக்கு ஒரு அரங்கமும், கலைநிகழ்ச்சிகள் நடத்த ஒரு அரங்கமும் என,இரு பெரிய அரங்கங்கள் அமைக்கப்படுகின்றன.

அதுமட்டுமல்லாமல், உணவு விற்பனை கடைகள், தற்காலிக கழிப்பறைகள், மின்விளக்குகள் பொருத்தம், வாகனம் நிறுத்தஏற்பாடு, விளம்பர பதாகை அமைப்பதுஎன, பல்வேறு ஏற்பாடுகள் நடந்துவருகின்றன.