அவ்வாறு சேகரிக்கப்படும் குப்பை, காஞ்சிபுரம் சாலையில் உள்ள திடக்கழிவு மேலாண்மை கிடங்கிற்கு கொண்டு செல்லப்படுகிறது. அதில், மட்கும் குப்பை மற்றும் மட்கா குப்பை என, தரம் பிரித்து அங்குள்ள தொட்டிகளில் கொட்டி வைக்கப்படுகின்றன.

பின், மட்கும் குப்பையில் இருந்து உரம் தயாரிக்கப்பட்டு, விவசாயிகளுக்கு விற்பனை செய்யப்பட்டு வருகிறது. அதேபோல, மட்கா குப்பையை உடைத்து, தார் சாலை அமைக்கும் பணிக்கு பயன்படுத்தப்படுகிறது.

இந்நிலையில், உத்திரமேரூர் திடக்கழிவு மேலாண்மை கிடங்கை புதுப்பிக்க, பேரூராட்சி நிர்வாகம் சார்பில் தீர்மானிக்கப்பட்டது. அதன்படி, 2024 --- 25ம் நிதி ஆண்டில், 15வது நிதிக் குழு மானிய திட்டத்தின்கீழ், 5.5 லட்சம் ரூபாய் செலவில், திடக்கழிவு மேலாண்மை கிடங்கை சீரமைக்கும் பணிகள் மும்முரமாக நடந்து வருகின்றன.