ஏற்கனவே காஞ்சிபுரம் மாவட்ட கல்லுாரிகளில் ஒருங்கிணைப்பாளர்கள் வாயிலாக, 'வித்யாலஷ்மி போர்டல்' குறித்து விழிப்புணர்வு ஏற்படுத்தப்பட்டுள்ளது.

கடந்தாண்டு நவம்பரில், ஸ்ரீபெரும்புதுார் தாலுகா பென்னலுாரில் நடந்த நிகழ்ச்சியில், 112 மாணவ - மாணவியருக்கு, 13.1 கோடி ரூபாய் கடனுதவி வழங்கப்பட்டது.

இப்போது, இரண்டாம் கட்டமாக, காஞ்சிபுரம் அடுத்த, கீழம்பியில் உள்ள திருமலை பொறியியல் கல்லுாரியில், அனைத்து வங்கிகளின் சார்பில், சிறப்பு கல்விக்கடன் முகாம், கலெக்டர் கலைச்செல்வி தலைமையில் நேற்று நடந்தது.

இதில், 60 கல்லுாரி மாணவ - மாணவியருக்கு 4.81 கோடி ரூபாய் மதிப்பிலான கல்வி கடனுதவிகளை, கலெக்டர் கலைச்செல்வி மற்றும் காஞ்சிபுரம் தி.மு.க., - எம்.பி., செல்வம் ஆகியோர் வழங்கினர்.

இந்நிகழ்ச்சியில், மாவட்ட வருவாய் அலுவலர் வெங்கடேஷ், முன்னோடி வங்கி மேலாளர் திலீப் உட்பட பலர் பங்கேற்றனர்.