ஓரிக்கையில் இயங்கும் தற்காலிக ராஜாஜி மார்க்கெட் பின்புறம் மழைநீர் வெளியேறாமல் ஒரே இடத்தில் தேங்குவதால் சகதி நீராக மாறியுள்ளது. அதில், உற்பத்தியாகியுள்ள கொசுக்களால் நோய் பரவும் சூழல் உள்ளது.

மேலும், மார்க்கெட்டிற்கு வந்து செல்லும் பொதுமக்கள், வியாபாரிகள் சகதிநீரில் நடந்து செல்ல வேண்டிய அவல நிலை உள்ளது.

எனவே, மார்க்கெட் பின்புறம் தேங்கியுள்ள சகதிநீரை அகற்றவும், மீண்டும் மழைநீர் தேங்காமல் இருக்க, மாநகராட்சி நிர்வாகம் நடவடிக்கை எடுக்க வேண்டும் என, கோரிக்கை எழுந்துள்ளது.