காஞ்சிபுரம் நரசிங்கராயர் தெருவில் செல்வ விநாயகர் கோவில் உள்ளது. பழமையான இக்கோவிலை புதுப்பித்து கும்பாபிஷேகம் நடத்த நரசிங்கராயர் தெருவினர் முடிவு செய்தனர். அதன்படி கோவிலில் பல்வேறு திருப்பணிகள் சமீபத்தில் செய்து முடிக்கப்பட்டன. கும்பாபிஷேகத்தையொட்டி நேற்று முன்தினம் காலை 8:00 மணிக்கு அனுக்ஞை, கணபதி ஹோமம், மகா லஷ்மி ஹோமம், நவக்கிரக ஹோமம் நடந்தது.

நேற்று காலை 9:00 மணிக்கு கோவில் கோபுர விமானத்திற்கும், மூலவர் செல்வ விநாயகருக்கும் வேதவிற்பன்னர்கள் புனிதநீர் ஊற்றி கும்பாபிஷேகம் நடத்தி வைத்தனர். திரளான பக்தர்கள் பங்கேற்றனர்.