இதில், நகர்ப்புற வாழ்விட மேம்பாட்டு வாரியம்சார்பில் கட்டப்பட்டுள்ள, 2,112 அடுக்குமாடி குடியிருப்புகளுக்கு செல்லும் பிரதான சாலையில் அமைக்கப்பட்டுள்ள தெருமின்விளக்குகளை, ஊராட்சி நிர்வாகம் முறையாக பராமரிப்பது இல்லை.

இதனால், 24 மணி நேரமும் தெருமின்விளக்குகள் தொடர்ந்து ஒளிர்வதாக புகார் எழுந்துள்ளது. இதன் காரணமாக, மின்சாரம் விரயமாவதுடன், ஊராட்சி நிர்வாகம், மின்வாரியத்திற்கு கூடுதல் மின் கட்டணம் செலுத்த வேண்டிய நிலை உள்ளது.

மேலும், ஊராட்சி நிதியும் வீணாகிறது. தெரு மின்விளக்குகளும் விரைவில் பழுதாகும் நிலை உள்ளது. எனவே,கீழ்கதிர்பூர் ஊராட்சி நிர்வாகம் தெரு மின்விளக்குகளை முறையாக பராமரிக்க நடவடிக்கை எடுக்க வேண்டும் என, சமூகஆர்வலர்கள் கோரிக்கை விடுத்துள்ளனர்.