தனியாரிடம் உள்ள நிலம் எடுக்கும் பணிக்கு, அரசு ஒவ்வொரு கிராமமாக அறிவிப்பை வெளியிட்டு, நிலம் கையகப்படுத்தி வருகிறது.

கடந்த அக்.,7ம் தேதி, நாகப்பட்டு கிராம மக்களின் நிலங்களை, பரந்துார் விமான நிலைய நில எடுப்பு அலுவலர்கள் அளக்க சென்ற போது, அதே பகுதியைச் சேர்ந்த கிராமத்தினர், வருவாய் துறையினரை முற்றுகையிட்டு, எதிர்ப்பு தெரிவித்தனர்.

அதை தொடர்ந்து, விவசாயிகளின் அனுமதி இல்லாமல் நிலம், வீடு கையகப்படுத்தும் நடவடிக்கை நிறுத்த வேண்டும். விவசாயிகளின் மீது போடப்பட்ட வழக்குகளை ரத்து செய்ய வேண்டும் உள்ளிட்ட பல்வேறு கோரிக்கைகளை வலியுறுத்தி, தமிழ்நாடு விவசாயிகள் சங்கத்தினர், இன்று காலை, அனைவரின் வீடுகளின் முன் கருப்பு கொடி ஏற்ற உள்ளதாக அறிவித்துள்ளனர்.