இக்கோவிலில், 41ம் ஆண்டு தீமிதி திருவிழா நேற்று நடந்தது. முன்னதாக, காலை 6:00 மணிக்கு, அம்மனுக்கு பல்வேறு அபிஷேகங்கள் நடந்தது. பின், 7:30 மணிக்கு உலக நன்மைக்காக யாக வேள்வியும், 8:30 மணிக்கு திருவிளக்கு பூஜையும் நடந்தது.

தொடர்ந்து, பிற்பகல் 12:30 மணிக்கு பக்தர்கள் அம்மனுக்கு கூழ்வார்த்தலும், மாலை 4:00 மணிக்கு ஆன்மிக சொற்பொழிவு நிகழ்வும் நடந்தது.இதையடுத்து, மாலை 6:00 மணிக்கு பக்தர்கள் விரதமிருந்து திருப்புலிவனம் குளக்கரையில் இருந்து, ஊர்வலமாக வந்து கோவிலில் அமைக்கப்பட்டிருந்த, தீக்குண்டத்தில் இறங்கி தீமிதித்து அம்மனை வழிபட்டனர். இந்த தீமிதி விழாவில் சுற்றுவட்டார கிராமத்தினர் பங்கேற்று அம்மனை வழிபட்டு சென்றனர்.