ராணிப்பேட்டையில் நேற்று நடந்த போட்டியில் திருவள்ளூர் அணி, ஈரோடு அணியை எதிர்த்து மோதியது.

டாஸ் வென்ற ஈரோடு அணி முதலில் பேட் செய்து நிர்ணயிக்கப்பட்ட 20 ஓவர்களில், 8 விக்கெட் இழப்பிற்கு 151 ரன்கள் அடித்தது.

அந்த அணியின் வீரர் மோகன் பிரசாத், அபாரமாக விளையாடி 60 ரன்கள் குவித்தார். திருவள்ளூர் அணி சார்பில் சரவணன் 4 விக்கெட் சாய்த்து அசத்தினார்.

அடுத்து களமிறங்கிய திருவள்ளூர் அணிக்கு, துவக்க ஆட்டக்காரர்களான விஜய்குமார் 50 பந்துகளில் 87 ரன்கள் குவித்து வெற்றியை எளிதாக்கினார்.

மற்ற வீரர்கள் கைகொடுக்க அந்த அணி, 15.3 ஓவர்களில் 3 விக்கெட் இழப்பிற்கு 155 ரன்கள் அடித்து, அதிரடி வெற்றியை பதிவு செய்தது.