இதில், குத்து விளக்கேற்றி, மஞ்சள், குங்குமம், மலர்களால் அர்ச்சனை செய்தனர். விநாயகர், காமாட்சியம்மன், துர்கா, மஹாலட்சுமி, சரஸ்வதி, மற்றும் அவரவர் குல தெய்வத்தை வேண்டி பூஜை செய்தனர். தொடர்ந்து சிறப்பு துாப தீப ஆராதனையும், பக்தர்களுக்கு பிரசாதமும் வழங்கப்பட்டது.

 வாலாஜாபாத் ஒன்றியம், நாயக்கன்பேட்டையில், வடதிருக்கடவூர் என அழைக்கப்படும், அபிராமியம்மை உடனுறை அமிர்தகடேஸ்வரர் கோவில் உள்ளது. இக்கோவிலில் ஆண்டுதோறும் தை மாதத்தில் உலக நன்மை, குடும்ப ஒற்றுமை, செல்வம் பெருக, குடும்பத்தில் மகிழ்ச்சி நிலவ திருவிளக்கு பூஜை நடத்தப்பட்டு வருகிறது.

அதன்படி, 21வது ஆண்டு திருவிளக்கு பூஜை நடந்தது.

இதில், நாயக்கன்பேட்டை மற்றும் சுற்றியுள்ள பகுதியை சேர்ந்த திரளான பெண்கள் பூஜையில் பங்கேற்று குத்துவிளக்கு ஏற்றி வழிபாடு செய்தனர்.