உத்திரமேரூர் மற்றும் சுற்றியுள்ள கிராமவாசிகள், தென் மாவட்ட பகுதிகளுக்கு ரயில் மூலம் பயணிக்க வேண்டுமென்றால், பகல் மற்றும் இரவு நேரங்களில் மேல்மருவத்துார் ரயில் நிலையம் சென்று, அங்கிருந்து ரயிலில் பயணிக்கும் நிலை உள்ளது.

உத்திரமேரூரில் இருந்து, மேல்மருவத்துார் செல்ல நேரடி பேருந்து வசதி இல்லாததால், மதுராந்தகம் சென்று அங்கிருந்து பேருந்து மாறி செல்லும் நிலை தொடர்கிறது.

இதனால், நேரம் விரயமாவதோடு 13 கி.மீ., துாரம் கூடுதலாக சுற்றிக்கொண்டு செல்லும் நிலை உள்ளது.

எனவே, உத்திரமேரூரில் இருந்து, எல்.எண்டத்துார், செம்பூண்டி, கீழாமூர், அகிலி, சோத்துப்பாக்கம், மேல்மருவத்துார் மற்றும் அச்சிறுபாக்கம் வரை நேரடியாக அரசு பேருந்து இயக்க நடவடிக்கை எடுக்க வேண்டும் என, அப்பகுதியினர் கோரிக்கை விடுத்துள்ளனர்.