காஞ்சிபுரம் ஆலடி பிள்ளையார்கோவில் தெருவில் உள்ள பாலதர்ம சாஸ்தா கோவிலில் 8ம் ஆண்டு பிரதிஷ்டை தினம், திருக்கல்யாண உத்சவம் கடந்த 7ம் தேதி கொடியேற்றத்துடன் துவங்கியது.

மூன்றாம் நாள் உத்சவமான நேற்று, காலை 8:30 மணிக்கு மஹா கணபதி ஹோமம், பாலதர்ம சாஸ்தா ஹோமம் என, பல்வேறு ஹோமம் நடந்தது. அதை தொடர்ந்து புதிதாக செய்யப்பட்ட வள்ளி, தெய்வானை சமேத முருகனுக்கு கும்பாபிஷேகம் நடந்தது. மாலை 6:00 மணிக்கு திருக்கல்யாண உத்சவம் விமரிசையாக நடந்தது.

அதை தொடர்ந்து வள்ளி, தெய்வானையுடன் திருமண கோலத்தில் மலர் அலங்காரத்தில் எழுந்தருளி முருகன் வீதியுலா வந்தார்.

இன்று, மாலை 6:00 மணிக்கு மீனாட்சி சுந்தரேஸ்வரர் திருக்கல்யாண உத்சவம் நடக்கிறது.