இந்நிலையில், வாலாஜாபாத் தாலுகா அலுவலகத்தில், தாசில்தார் கருணாகரன், சில நாட்களுக்கு முன், அலுவலக வரவேற்பறையில் பேனர் ஒன்றை வைத்திருந்தார்.

அதில், 'வருவாய் துறையின் 15 வகையான சான்றிதழ்கள், பட்டா மாற்றம், குடும்ப அட்டை, வீட்டு மனை பட்டா போன்ற சேவைகள் இலவசமாக வழங்கப்படுகின்றன;

பொதுமக்கள் பணம் கொடுத்து ஏமாற வேண்டாம், யாரேனும் பணம் கேட்கும்பட்சத்தில் தாசில்தாருக்கு புகார் தெரிவிக்கலாம்' என, தெரிவிக்கப்பட்டிருந்தது.

இந்த பேனர், வருவாய் துறையினரிடையே ஆச்சரியத்தை ஏற்படுத்தியிருந்தது. இந்நிலையில், வாலாஜாபாத் தாலுகா நீங்கலாக, மற்ற 4 தாலுகா அலுவலகங்களிலும், இதேபோன்று பொதுமக்கள் அறியும் வகையில் அறிவிப்பு பலகை வைக்க வேண்டும் என, காஞ்சிபுரம் கலெக்டர் கலைச்செல்வி, 4 தாசில்தார்களுக்கும் சுற்றறிக்கை அனுப்பி உள்ளார்.