வாகன போக்குவரத்து அதிகம் உள்ள இப்பகுதியில், சாலையோரம் உள்ள மஞ்சள்நீர் கால்வாய்க்கு தடுப்புச்சுவர் முழுமையாக அமைக்கப்படவில்லை.

இதனால், பிள்ளையார்பாளையம் பகுதியில் இருந்து ஒ.பி., குளம் தெருவிற்கு செல்ல வேகமாக வரும் வாகன ஓட்டிகள், சாலை வளைவில் திரும்பும்போது, தடுப்புச்சுவர் இல்லாத பகுதி வழியாக மஞ்சள்நீர் கால்வாய்க்குள் தவறி விழுந்து விபத்தில் சிக்கும் சூழல் உள்ளது.

இதே நிலை, ஒ.பி., குளம் தெருவில் இருந்து வரும் வாகன ஓட்டிகள், கனரக வாகனத்திற்கு வழிவிட ஒதுங்கும்போதும் உள்ளது. எனவே, மும்முனை சந்திப்பு சாலையோரம் உள்ள மஞ்சள்நீர் கால்வாய்க்கு தடுப்புச்சுவர் முழுமையாக அமைக்க வேண்டும் என, வாகன ஓட்டிகள் கோரிக்கை விடுத்துள்ளனர்.