திருப்புலிவனம், மருதம் பகுதிகளில் உத்திரமேரூர் போலீசார் நேற்று ரோந்து பணியில் ஈடுபட்டனர். அப்போது, மருதம் ஏரிக்கரை அருகே சந்தேகத்திற்கு இடமாக நின்று கொண்டிருந்த, வாலிபர் ஒருவரை பிடித்து போலீசார் சோதனை செய்தனர்.

அதில், அரசால் தடை செய்யப்பட்ட 4 கிலோ கஞ்சாவை விற்பனைக்கு மறைத்து வைத்திருந்தது தெரிந்தது. பின், விசாரணையில் பிடிபட்ட நபர் திருப்புலிவனத்தைச் சேர்ந்த உத்திரகுமார், 30, என்பது தெரிந்தது.

இதையடுத்து, உத்திரமேரூர் போலீசார் கஞ்சாவை பறிமுதல் செய்து, உத்திரகுமாரை கைது செய்தனர்.