அரவக்குறிச்சி ஒன்றிய அளவிலான சதுரங்க போட்டி, சின்னதாராபுரத்தில் உள்ள தனியார் மேல்நிலைப் பள்ளியில் நடைபெற்றது. இதில், பள்ளப்பட்டி மேல்நிலைப்பள்ளி மாணவர்கள், 17 வயதுக்குட்பட்ட பிரிவில் வெற்றிவேல் என்ற மாணவர் இரண்டாம் இடம், 19 வயதுக்குட்பட்ட பிரிவில் சத்யஜீவன் இரண்டாம் இடம், மாணவியர் அணியில், 14 வயதுக்குட்பட்ட பிரிவில் லக் ஷனா இரண்டாம் இடம் பெற்று வெற்றி பெற்றனர். இதன் மூலம் மாவட்ட அளவிலான சதுரங்க போட்டிக்கு, அரவக்குச்சி ஒன்றிய அளவில் மாணவ, மாணவியர் தேர்வு பெற்றுள்ளனர்.

வெற்றி பெற்றவர்களை, பள்ளப்பட்டி மேல்நிலைப்பள்ளி தாளாளர் ஹாஜி கஜனபர் அலி, தலைமை ஆசிரியர் முகமது இஸ்மாயில், உதவி தலைமை ஆசிரியர்கள் தாஜூதீன், பள்ளப்பட்டி எஜூகேஷன் சொசைட்டியின் செயற்குழு, பொதுக்குழு உறுப்பினர்கள், ஆசிரியர்கள் பாராட்டினர்.