23ல் இலவச மருத்துவ முகாம்

கரூர், அக். 20-

டி.என்.பி.எல்., (புகழூர் காகித ஆலை) சார்பில், 297 வது இலவச மருத்துவ முகாம் வரும், 23ல் நடக்கிறது.

அதன்படி, ஓனவாக்கல் மேடு, நாணப்பரப்பு, கந்தசாமிபாளையம், நல்லியாம்பாளையம், சொட்டையூர், மூலிமங்கலம், பழமாபுரம், மசக்கவுண்டன்புதுார், குறுக்குப்பாளையம் ஆகிய பகுதிகளில் வரும், 23ல் காலை, 8:00 முதல் மதியம், 1:30 மணி வரை இலவச மருத்துவ முகாம் நடக்கிறது.

அதில், டாக்டர்கள் ராஜா, ராஜலட்சுமி ஆகியோர் மருத்துவ பரிசோதனை செய்து, சிகிச்சை அளிக்க உள்ளனர். இலவச மருத்துவ முகாமை, கிராம மக்கள் பயன்படுத்தி கொள்ள வேண்டும் என, டி.என்.பி.எல்., ஆலை நிர்வாகம் தெரிவித்துள்ளது.