யில் பெண்ணிடம் தாலி செயினை பறித்துச் சென்ற வரை, 24 மணி நேரத்தில் போலீசார் கைது செய்தனர்.

ராசிபுரம் அருகே, வெண்ணந்துார் சொசைட்டி தெரு பகுதியை சேர்ந்தவர் நந்தகுமார் மனைவி சுகுணா, 43. கடந்த, 21 இரவு தம்பதியர் வீட்டை பூட்டி விட்டு துாங்கி உள்ளனர். மறுநாள் அதி-காலை நந்தகுமார் நடைபயிற்சி செல்வதற்காக, வீட்டின் கதவை திறந்து சென்றுள்ளார். இதனை கவனித்து உள்ளே புகுந்த மர்ம நபர் ஒருவர், சுகுணா அணிந்திருந்த, 8 பவுன் தாலி செயினை பறித்து சென்றார். நகையை அறுத்துக்கொண்டு, திருடன் வேக-மாக ஓடுவது அப்பகுதி கண்காணிப்பு கேமராவில் பதிவானது.

வெண்ணந்துார் போலீசார், நேற்று காலை ஏரிக்கரை அருகே இன்ஸ்பெக்டர் சுகவனம் தலைமையில் சோதனையில் ஈடுபட்ட-போது, வெண்ணந்துார் ராஜகணபதி கோவில் தெரு செந்தில் குமார் மகன் தமிழரசன், 27, பிடிபட்டார். இவர்தான், சுகுண-விடம் 8 பவுன் தாலி செயினை பறித்தது தெரிய வந்தது. அவரை போலீசார் கைது செய்து, 8 பவுன் தாலி செயினை பறி-முதல் செய்தனர்.

திருடனை, 24 மணி நேரத்தில் பிடித்த போலீசாரை பொதுமக்கள் பாராட்டினர்.