இவர்களை பாதுகாப்பு பணியில் இருந்த போலீஸ்காரர் சக்திவேல் தடுத்துள்ளார். அதில், ஆத்திரமடைந்த சூர்யா, ஸ்ரீரங்கன் ஆகியோர், அவரை தாக்கினர். பின்னர் நான்கு பேரும் அங்கிருந்து சென்றனர். காயமடைந்த சக்திவேல், கரூர் அரசு மருத்துவ கல்லுாரி மருத்துவமனையில் சிகிச்சை பெற்று வருகிறார். அவர் அளித்த புகார்படி, பசுபதிபாளையம் போலீசார் விசாரித்து சூர்யா, ஸ்ரீரங்கன் உட்பட நான்கு பேரை கைது செய்து சிறையில் அடைத்தனர்.

இந்நிலையில், பசுபதிபாளையம் போலீஸ் ஸ்டேஷன் வந்த லதா மகள் வைசாலினி நிருபர்களிடம் கூறுகையில்,''நேற்று முன்தினம் முதல், என் அண்ணன் சூர்யாவை பார்க்க முடியவில்லை. இது குறித்து ஸ்டேஷனில் கேட்ட போது, தரக்குறைவான வார்த்தைகளை பேசுகின்றனர். அண்ணனை தொடர்ந்து தாக்கியுள்ளனர். போலீஸ் குடும்பத்தை சேர்ந்தவர்களுக்கே இந்த நிலைமை என்றால், சாதாரண மக்களுக்கு பாதுகாப்பு கிடைக்குமா,'' என்றார்.