இது குறித்து அவர், வெளியிட்ட அறிக்கை:

கரூர் தொழிற்பயிற்சி நிலையத்தில், மகளிருக்கு மட்டும் தையல் தொழில்நுட்ப பயிற்சி, கணினி தொழில்நுட்ப பயிற்சி ஓராண்டு காலத்துக்கும், இருபாலருக்கும் மெக்கானிக் ஆட்டோ பாடி ரிப்பேர் படிப்பு ஓராண்டு படிப்பும், ஆபரேட்டர் அட்வான்ஸ்டு மெஷின் டூல்ஸ் படிப்பு இரண்டு ஆண்டு படிப்பாகவும் கற்றுத் தரப்படுகிறது. இந்த படிப்புகளுக்கு சேர, தொழிற்

பயிற்சி நிலையத்தின் இணையதளம் மூலம் விண்ணப்பங்கள் பெறப்பட்டன.

மாதந்தோறும் உதவித்தொகை, இலவச பஸ் பாஸ், சைக்கிள், வரைபடக் கருவிகள், பாட புத்தகங்கள், சீருடை, காலணிகள் அரசால் வழங்கப்படும். கூடுதல் விபரங்களை கரூர் அரசினர் தொழிற்பயிற்சி நிலைய முதல்வரை தொலைபேசி 04324-222111, 9499055711 வாயிலாக அல்லது நேரில் தொடர்பு கொள்ளலாம். இவ்வாறு அதில், கூறப்பட்டுள்ளது. கரூர் அரசு தொழிற் பயிற்சி நிலையத்தில் (https://skilltraining.tn.gov.in/DET/) என்ற இணையதளம் மூலமாக, இணைய வழியே சேர்க்கைக்கு விண்ணப்பங்கள் பெறப்பட்டு வருகிறது. விண்ணப்பங்கள் விண்ணப்பிக்க வேண்டிய கடைசி நாள் 7.6.24. சேர்க்கைக்கு 10.5.24 முதல் கரூர் அரசினர் தொழிற்பயிற்சி நிலையத்தில் நேரில் வந்தும் விண்ணப்பித்துக் கொள்ளலாம்.

இவ்வாறு கூறியுள்ளார்.