மோகனுார் நகரில், பிரசித்தி பெற்ற மாரியம்மன் கோவில் உள்ளது. ஆண்டுதோறும் சித்திரை திருவிழா, வெகுவிமர்சையாக கொண்டாடப்படுவது வழக்கம். இந்தாண்டு விழா கடந்த, 1ல், இரவு, 11:00 மணிக்கு காப்பு கட்டுதலுடன் துவங்கியது. தொடர்ந்து, காவிரி ஆற்றுக்கு செல்லும் பக்தர்கள் புனித நீராடி, தீர்த்தக்குடம் எடுத்து வந்து, கோவில் முன் நடப்பட்டுள்ள கம்பத்திற்கு ஊற்றி வழிபாடு செய்கின்றனர். தினமும் மாலை, 5:00 மணிக்கு சுவாமிக்கு அபிேஷகம், ஆராதனை நடக்கிறது. சுவாமி வெள்ளி கவசத்தில் எழுந்தருளி, பக்தர்களுக்கு அருள்பாலிக்கிறார்.

வரும், 14 இரவு, 9:00 மணிக்கு வடிசோறு வைத்து சுவாமிக்கு படையல் வைத்து பூஜை செய்யப்படுகிறது. 15 அதிகாலை, 5:00 மணிக்கு பூக்குழி பூஜை நடக்கிறது. மாலை, 3:00 மணிக்கு காவிரி ஆற்றில் பக்தர்கள் புனித நீராடி, ஊர்வலமாக வந்து கோவில் முன் அமைக்கப்பட்டுள்ள குண்டத்தில் இறங்கி, அம்மனுக்கு நேர்த்திக்கடன் செலுத்துகின்றனர்.

ஏப்., 16 காலை, 6:00 மணிக்கு கிடா வெட்டு, 9:00 மணிக்கு அக்னி சட்டி எடுத்து அலகு குத்தி சுவாமிக்கு பக்தர்கள் வேண்டுதலை நிறைவேற்றுகின்றனர். அன்று இரவு, 7:00 மணிக்கு, மாவிளக்கு பூஜை நடக்கிறது. இரவு, 10:00 மணிக்கு கம்பம் பிடுங்கி, ஆற்றில் விடும் நிகழ்ச்சி நடக்கிறது. ஏப்., 17 மாலை, 3:00 மணிக்கு மஞ்சள் நீராட்டு விழா நடக்கிறது.