அரவக்குறிச்சி,:அரவக்குறிச்சி அடுத்த லிங்கமநாயக்கன்பட்டி அருகே, சின்னவரப்பட்டி பகுதியை சேர்ந்தவர் ஆறுமுகம், 60. இவர் நேற்று முன்தினம் இரவு, பூமாதேவம் செல்லும் சாலையில் டூவீலரில் சென்று கொண்டிருந்தார். சின்னவரப்பட்டி பகுதியில் பூஞ்சோலை அருகே சென்ற போது, டூவீலரை வேகமாக ஓட்டிய போது வாகனம் கட்டுப்பாட்டை இழந்ததால், கீழே விழுந்தார். இதில் ஆறுமுகத்திற்கு தலையில் பலத்த காயம் ஏற்பட்டது. அவரை மீட்டு திருச்சி அரசு மருத்துவமனையில் அனுமதித்தனர்.

அரவக்குறிச்சி போலீசார் வழக்குப்பதிவு செய்து விசாரித்து வருகின்றனர்.