நாமக்கல் : நாமக்கல் மாவட்ட ஜவகர் சிறுவர் மன்றம் கலை பண்பாட்டுத்துறை சார்பில் நடந்த கோடைகால கலை பயிற்சி முகாம், நேற்று நிறைவடைந்தது. நாமக்கல் கோட்டை நகரவை உயர்நிலைப்பள்ளியில், கடந்த, 1ல் துவங்கிய பயிற்சி முகாம் தொடர்ந்து, 10 நாட்கள் நடந்தது. 16 வயதுக்குட்பட்ட குழந்தைகளுக்கு யோகா, கராத்தே, சிலம்பம், பரதநாட்டியம், ஓவியம், தப்பு, கரகம், காவடி உள்ளிட்ட கிராமிய நடனம், கைவினை பொருட்கள் தயாரிப்பு கலைகளுக்கு பயிற்சி வழங்கப்பட்டது.