கிருஷ்ணராயபுரம் அடுத்த, கருப்பத்துார் பஞ்சாயத்து மேட்டுப்பட்டி கிராமத்தில் சிறிய மழை நீர் சேமிப்பு குளம் உள்ளது. மழை காலங்களில் நீர் சேமிக்கப்படுகிறது. இதன் மூலம் நிலத்தடி நீர் மட்டம் உயர்கிறது. தற்போது மழை காலம் துவங்கவுள்ள நிலையில், மழை நீரை சேமிக்கும் வகையில், பஞ்சாயத்தில் உள்ள நுாறு நாள் திட்ட தொழிலாளர்களை கொண்டு, குளம் பராமரிப்பு பணிகள் நடந்து வருகிறது. இதன் ஒரு பகுதியாக, தற்போது குளத்தின் கரைகள் மண்ணால் நிரவப்பட்டு சமன்படுத்தும் பணி நடக்கிறது.