குளித்தலை, குளித்தலை அடுத்த மேல குப்புரெட்டிபட்டி கிராமத்தை சேர்ந்தவர் சுப்பிரமணியன், 46; விவசாயி. இவருக்கு சொந்தமான, டி.வி.எஸ்., மொபட்டில், அதே ஊரை சேர்ந்த உறவினர் மருதை, 62, அவரது மனைவி பார்வதி, 55, ஆகிய மூவரும், கடந்த, 19 மதியம், அய்யர்மலை நோக்கி சென்றுகொண்டிருந்தனர். திம்மம்பட்டி-அய்யர்மலை நெடுஞ்சாலையில், கணக்கபிள்ளையூர், கணபதி நகர் பிரிவு சாலையில் சென்றுகொண்டிருந்தபோது, அதிவேகமாக வந்த சரக்கு வாகனம் மொபட் மீது மோதியது.